ဝါရှင်တန်၊ ဇူလိုင် -၃၀-၂၀၂၅
မျိုးဆက်(VOM)
ရုရှားကမ်းရိုးတန်းမှာ ရစ်ချ်တာစကေး ၈ ဒဿမ ၈ အဆင့်ရှိ အင်အားပြင်း ငလျင်လှုပ်ခတ်ပြီးနောက် အမေရိကန် ဟာဝိုင်အီရှိ အိုအာဟူ အနီးမှာ လေးပေအမြင့်ရှိ ဆူနာမီလှိုင်းတွေစတင်ရောက်ရှိလာပြီဖြစ်တယ်လို့ တာဝန်ရှိသူတွေက ပြောပါတယ်။
ဟာဝိုင်အီမှာနေထိုင်သူတွေ၊ အမေရိကအနောက်ဘက်ကမ်းခြေတလျှောက်နဲ့ ဂျပန်မှာနေသူတွေကို ဘေးလွတ်ရာရွှေ့ပြောင်းဖို့အမိန့်ထုတ်ထားပြီး ဟာဝိုင်အီအုပ်ချုပ်ရေးမှူးက သတိပေးချက်တွေကို လိုက်နာဖို့ ဒေသခံတွေကို တိုက်တွန်းထားပါတယ်။ ငလျင်ကြောင့် ဖြစ်ပေါ်လာနိုင်တဲ့ ဆူနာမီလှိုင်းတွေ ကမ်းရိုးတန်းတွေဆီ ရောက်ရှိဖို့ နာရီအတန်ကြာမြင့်နိုင်တယ်လို့ ပညာရှင်တွေက သတိပေးထားပါတယ်။
ဂျပန်မှာတော့ လူ ၁.၉ သန်းကို ရွှေ့ပြောင်းဖို့ပြောထားပြီး မြောက်ပိုင်း အိုင်ဝါတီမှာ ၄.၃ပေ အမြင့်ရှိတဲ့ဆူနာမီလှိုင်းတွေရောက်နေခဲ့ပြီး တရုတ်၊ ဖိလစ်ပိုင်၊ အင်ဒိုနီးရှားနဲ့ အခြားနိုင်ငံတချို့မှာလည်း ဆူနာမီ သတိပေးချက်တွေ ထုတ်ပြန်ထားပါတယ်။
ဖူကူရှီးမားမှာတော့ ၂၀၁၁ခုနှစ်က နျူကလီးယားမတော်တဆမှုကြောင့် လက်ရှိ ဆူနာမီသတိပေးချက်တွေကို အထူးဂရုစိုက်နေကြပြီး စက်ရုံအနီး ၂၀ကီလိုမီတာအတွင်းမှာနေသူတွေကို ချက်ချင်းရွှေ့ပြောင်းဖို့ ညွှန်ကြားထားပါတယ်။
ရုရှား ဆက်ခ်ဟာလင် ဒေသမှာ ငလျင်ကြောင့် ဓာတ်အားလိုင်းတွေပျက်စီးမှုဖြစ်ပြီး လျှပ်စစ်မီးပြတ်တောက်နေပါတယ်။ ကာရေးကျွန်းတွေမှာ အရေးပေါ်အခြေအနေကြေညာထားပြီး ဆူနာမီလှိုင်းတွေက ဆိပ်ကမ်းမြို့တမြို့ကို တက်လာနေတဲ့ပုံတွေလည်းတွေ့ရတယ်။ ဒေသအာဏာပိုင်တွေက လူအားလုံးကို ဘေးကင်းရာကိုရွှေ့ပြောင်းပြီးပြီလို့ပြောကြားထားပါတယ်။
Ref:BBC
